Kjo ngjarje shkencore do të zhvillohet më 1 dhe 2 tetor 2025 dhe ka për qëllim të ofrojë një platformë të rëndësishme për të ofrimin dhe ndarjen e gjetjeve shkencore, për diskutime dhe shkëmbim mendimesh në lidhje me sfidat, mundësitë dhe perspektivat për zhvillimin dhe përmirësimin e arsimit gjatë gjithë jetës.
Konferenca, gjithashtu, ka për qëllim të zgjerojë diskutimin për të përfshirë mësimin gjatë gjithë jetës, si dhe grupin e ndikimeve që përqendrohen në studimin e mësimit dhe mësimdhënies, nga lindja deri në moshën madhore, në mjedise formale dhe joformale, për të ndikuar në praktikat dhe politikat arsimore në Kosovë.
Pjesëmarrësit do të paraqesin hulumtime shkencore të tematikave që përfshijnë të gjitha nivelet e arsimit parauniversitar, me theks të veçantë në lidhje me zbatimin e arsimit gjithëpërfshirës, në rishikimin dhe përmirësimin e kurrikulave dhe të planeve mësimore.
Në kuadër të kësaj ngjarjeje shkencore, do të prezantohen kërkime të reja shkencore, të realizuara në Kosovë dhe në vende të ndryshme të rajonit dhe të Evropës, që kanë në fokus temën qendrore të konferencës, për të mbështetur mësimin në botën e sotme në kontekstin kulturor e social, hulumtimet në klasë dhe studimet mbi aftësimin e të rriturve në mjediset e tyre të punës.
Në konferencë do të promovohen kontekste dhe strategji pedagogjike që promovojnë lloje të ndryshme mësimi gjatë gjithë jetës, si dhe faktorët dhe mekanizmat specifikë për të mbështetur mësimin gjatë gjithë jetës. Si mund të ndikojë teknologjia në natyrën e asaj që njerëzit kanë nevojë të mësojnë dhe të metat e mundshme të angazhimit në aktivitete online të të mësuarit.
Pritet pjesëmarrja e studiuesve dhe ekspertëve të njohur nga Ballkani Perëndimor dhe nga shtete dhe institucione të ndryshme evropiane, me të cilat Instituti Pedagogjik i Kosovës ka zhvilluar bashkëpunim të frytshëm në fushën e arsimit.
Presim me padurim të pranojmë kontributet dhe idetë tuaja, të cilat do të kenë një ndikim të rëndësishëm në zhvillimin e arsimit në nivel vendor dhe ndërkombëtar.
Sfidat zhvillimore në edukimin e hershëm, arsimin fillor dhe të mesëm, si dhe në arsimin gjatë gjithë jetës dhe atë profesional
Analizimi i sfidave dhe mundësive për zhvillimin e arsimit në fëmijërinë e hershme, arsimin fillor dhe të mesëm, duke vlerësuar zgjidhjet dhe perspektivat për përmirësimin e tij.
Përmirësimi i kurrikulave dhe planeve mësimore
Rishikimi i nevojave për përditësimin e kurrikulave dhe planeve mësimore (EFH – AAP), me synimin për të siguruar një arsimim cilësor dhe gjithëpërfshirës që përmbush nevojat individuale të nxënësve, si dhe nevojat e vendit për zhvillim ekonomik dhe kulturor.
Qasjet proaktive ndaj sfidave në zbatimin e arsimit gjithëpërfshirës
Diskutimi i strategjive dhe politikave për zbatimin efektiv të arsimit gjithëpërfshirës, duke theksuar qasjet proaktive dhe inovative në adresimin e nevojave të ndryshme të nxënësve dhe të grupeve të ndryshme sociale dhe atyre të margjinalizuara.
Kualifikimi dhe zhvillimi profesional i mësimdhënësve dhe i udhëheqjes arsimore
Rëndësia e përmirësimit të kualifikimeve dhe zhvillimit profesional të mësuesve, udhëheqësve arsimorë, për të përmbushur kërkesat për një arsimim cilësor dhe gjithëpërfshirës. Të gjitha këto kanë në fokus përmirësimin e procesit të kualifikimit cilësor, duke filluar nga universitetet dhe institucionet përgjegjëse për zhvillim profesional të mësimdhënësve në karrierë.
Udhëheqja gjithëpërfshirëse dhe menaxhimi cilësor i institucioneve arsimore
Hulumtimi i metodave dhe praktikave të udhëheqjes dhe menaxhimit të institucioneve arsimore, me qëllim përmirësimin e performancës dhe cilësisë arsimore në përputhje me kërkesat e kohës.
Implikimet e teknologjisë në arsimin gjatë gjithë jetës
Përdorimi i teknologjive në arsimin formal dhe trajnimin kërkon planifikim të kujdesshëm për përafrimin e teknologjisë me qëllimet e mësimit, ofrimin e zhvillimit profesional, dhe akses të barabartë në teknologji për të mbështetur mësimin gjatë gjithë jetës. Kjo kërkon nga edukatorët dhe mësimdhënësit që të mbështesin motivimin e nxënësve, duke u kujdesur për angazhimin dhe performancën e tyre përmes një game unike njohurish dhe burimesh njohëse gjatë jetës, të cilat formësohen jo vetëm nga shkolla, por edhe nga ndërveprimi i konteksteve kulturore, sociale, njohëse dhe diversitetit zhvillimor të nxënësve në ambiente që janë rritur.
Për të siguruar një kombinim të mirë të prezantimeve, diskutimeve interaktive dhe mundësive për rrjetëzim, si dhe për t’u mundësuar pjesëmarrësve të marrin maksimumin nga konferenca brenda një dite, është planifikuar ky format i punës. Klikoni në butonin e mëposhtëm për ta shkarkuar agjendën.
PARAQITJA E PUNIMEVE SHKENCORE:
Ekspertët dhe praktikuesit e fushës ftohen të paraqesin punime shkencore që kontribuojnë në zhvillimin e arsimit gjatë gjithë jetës, duke mbuluar çështje të ndryshme që lidhen me përmirësimin e arsimit në fëmijërinë e hershme, arsimin e detyrueshëm dhe arsimin profesional.
FORMATI I PREZANTIMIT:
Prezantimin tuaj mund ta përgatisni dhe ta dërgoni sipas njërit nga formatet e mëposhtme:
| DATA ME RËNDËSI: | |
|---|---|
Pranimi i abstrakteve do të bëhet |
deri më 30 prill 2025 |
| Vlerësimi i abstrakteve do të përfundojë | deri më 30 maj 2025 |
Regjistrimi dhe njoftimi i pjesëmarrësve për konferencë do të kryhet |
deri më 30 qershor 2025 |
Afati i dërgimit të punimeve të plota për botim duhet të përfundojë deri më 31 gusht 2025. Për pjesëmarrësit e jashtëm kjo kërkesë është opsionale.
KRITERET DHE STILI I SHKRIMIT TË PUNIMEVE
Abstrakti:
Vetëm pas një vlerësimi do të bëhet pranimi ose refuzimi i tyre. Pas vlerësimit pozitiv të abstrakteve dhe miratimit nga Këshilli Shkencor i Konferencës, autorët ftohen të dërgojnë punimin e plotë për prezantim në konferencë dhe botim në Librin e punimeve të konferencës.
BOTIMI I PUNIMEVE
Punimet e plota nga konferenca do të botohen në Librin e punimeve të konferencës. Punimet, të cilat do të shqyrtohen për botim, duhet t’i plotësojnë kriteret vijuese:
Abstraktet dhe punimet e plota duhet të dërgohen brenda afateve të përcaktuara në e-mail-adresën: konferenca.ipk@gmail.com
Të gjitha abstraktet dhe punimet e pranuara do të botohen në Librin e punimeve të konferencës.
