CIDREE

Në vitin 2015, IPK u antarësua në  Konsorciumin e Instituteve për Zhvillim dhe Hulumtim  në Edukim në Evropë (CIDREE – Consortium of Institutions for Development and Research in Education in Europe)

CIDREE është një rrjet i vetëmenaxhuar i njësive edukative, të cilat luajnë rol të njohur nacional në fushën e zhvillimit të kurrikulave dhe/ose në fushën e hulumtimit në edukim.CIDREE është themeluar në vitin 1999 me qasje për ndërtimin e raporteve të afërta të bashkëpunimit  në sistemin edukativ evropian. CIDREE udhëhiqet nga anëtarët, për anëtarët !

Misioni i CIDREE

• Të kontribuojë në rritjen e kualitetit të vendeve anëtare permes ndërlidhjes dhe shkëmbimit në nivel të lartë të njohurive dhe përvojave,
• Të ndërtojë CIDREE-n  si një rrjet me ndikim, dinamik dhe të përgjegjshëm që mbështet interesat individuale dhe të institucioneve anëtarëve,
• Të respektojë interest e institucioneve anëtare në rrjetetet  dhe organizatat tjera evropiane.

AKTIVITETE

Aktivitetet që realizohen nga CIDREE me bashkëpunimin dhe kontributin e vendeve anëtare kanë për qëllim  stimulimin dhe shkëmbimin  e informacioneve, përvojave dhe projekteve të inicuara në bashkëpunim, inkurajimin e vendeve anëtare për të koordinuar hulumtimet, krahasuar qasjet në kurrikula, dhe në  zhvillimin e rezultateve me rëndësi të ndërsjellë. Iniciativat dhe aktivitetet e bashkëpunimit të ndërsjellë realkizohen  përmes:

• Takimeve të udhëheqësve dhe takimeve të koordinatorëve nacionalë të vendeve anëtare,
• Vizitave studimore në institucionet arsimore të vendeve anëtare,
• Takimeve të ekspertëve për të stimuluar këmbimin e informacioneve ,
• Projekteve të inicuara në bashkëpunim,
• Publikimeve në Librin vjetor të CIDREE me tema aktuale ,

Çdo vit, në marrëveshje, caktohet një temë e përbashkët për  Librin e CIDREE, për të cilën vendet ofrojnë artikuj dhe punime për botim Ky libër  zakonisht botohet në nëntor të vitit përkatës dhe promovohet në Konferencën vjetore të CIDREE.
Që nga antarësimi në CIDREE, IPK prezantoi  në takimet dhe konferencat e përbashkëta të realizuara në kuadër të këtij  institucioni, si:

• Pjesëmarrje në takimet vjetore të udhëheqësve të vendeve anëtare në CIDREE dhe në takimet e koordinatorëve nacionalë,
• Pjesëmarrje në takimin e expertëve në Luxemburg me temën ‘ Përdorimi i të dhënave për zhvillimin e shkollës’

Përveç kontributeve në CIDREEYearbook, në vitin 2019 IPK ka organizuar  takimin e ekspertëve me temën ‘Career development practices and evaluation of school directors performance’. Pjesëmarrës në takim ishin ekspertë nga katër shtete anëtare në CIDREE: Skoci, Estoni, Francë dhe Slloveni, dhe ekspertë vendorë, përfaqësues nga Ministria e Arsimit, e Shkencës dhe Teknologjisë e Kosovës, nga Fakulteti i Edukimit, Drejtoritë komunale, përfaqësues nga Deutsche Gesellschaft für Intrenationale Zusammenarbeit-GIZ, ekspertë vendorë dhe hulumtues nga IPK-ja.

Përfaqësues të IPK-së gjithashtu marrin pjesë dhe kontribuojnë edhe në aktivitete dhe  takime të ekspertëve të organizuara nga vendet anëtare të CIDREE nga anëtarësimi e tutje.

Për më shumë informata lidhur me aktivitetet dhe mundësitë e bashkëpunimit me CIDREE mund të kontaktoni Koordinatren Nacionale për bashkëpunim IPK-CIDREE